சினிமா என்பது ஒரு வியாதிதான். அதுவும் படங்களைப் பற்றி நண்பர்களுடன் பேசுவது தமிழர்களுக்கே உரிய ஒரு வியாதி. என்னையே எடுத்துக் கொள்ளுங்கள். எழுத எவ்வளவோ விஷயங்கள் கிடைத்தாலும், அதையெல்லாம் எழுதாமல், சினிமா பார்த்ததை எழுத கை பரபரக்கிறது.
![](https://blogger.googleusercontent.com/img/b/R29vZ2xl/AVvXsEgCOMt31tGm1klLlN0qccuVDwBAS25eTlGfZqddyucxj5dblyn-3h9uWAj2RkY4yMIT93Yi6Mipz62Rr-YP_DS89TK-ZdejIGCNy9PMqx_DaH9s8DJNNlg-llTbvEse4go1SnWOfa10/s400/SSPX0018000.jpg)
---
அஜித், விஜய் படங்கள் இனி ரொம்ப சூப்பராக எல்லாம் இருக்க வேண்டியதில்லை. பார்க்கும்படி இருந்தாலே ஹிட்டாகிவிடும். (அந்தளவுக்கு நம்மை தயார் செய்து வைத்திருக்கிறார்கள்!) வெங்கட் பிரபுவுக்கே உரிய காமெடி கலந்த ட்ரீட்மெண்ட்டில் இதுவும் பார்க்கும்படி இருப்பதால், ஹாட்ரிக் மிஸ் செய்தவருக்கு, இப்பொழுது மெகா விக்கெட்.
![](https://blogger.googleusercontent.com/img/b/R29vZ2xl/AVvXsEhGJ_temXbZeNTb31EM4Hldsz4aEkN8BilfB0-XGumowCME3SfZ94zbTEtatu-NDLeZM_njrVJqjpxBrDEWiIbwVhqiX8eGz6jUc175Pu39MN0wXm_DTAK01SFvkcA5j5TSTtIk7-rv/s400/SSPX0011000.jpg)
---
“படத்துல ஐந்து பேரு! அதுல நாலு பேரு கெட்டவனுங்க. இன்னொருத்தன் ரொம்ப கெட்டவன்” - இந்த லைன கேட்டு தல இந்த படத்துல நடிக்க ஆர்வம் தெரிவிச்சாராம். என்ன ஒரு ஹீரோ? அதுவும் ஹிட்டடிக்கும் போது, தல இந்த பார்முலாவை விடுவாரா? நாம தான் ஜாக்கிரதையா இருக்கணும்.
---
![](https://blogger.googleusercontent.com/img/b/R29vZ2xl/AVvXsEhJE90pXx9gmTwT2zHrx_rIv7QvdVx48sVq2b7Q5L6vkey-u7-T9s7pNzBvtCURXweWv2PZerpTlLfyP2VrJaAjt7wAmuO1FSqVPdHEyOesnDdZBT4qns-CgE7ig2U1KzxUYlOzaC76/s400/SSPX0015000.jpg)
இந்த படத்திற்கான ஓப்பனிங் பற்றி கேட்டப்போது, ”அடடே! இந்த படம் பார்க்க, நாம இந்தியாவில இல்லையே?”ன்னு கொஞ்சம் வருத்தமா இருந்தது. ஆனா, இங்கேயும் விசில், கைத்தட்டல் என ஜாலியாகத்தான் இருந்தது. கேவலமான கமெண்ட்ஸ் கூட அடிக்கிறார்கள்.
---
இறுதியில் எல்லோரும் செத்துவிழுவது, சலிப்பைத்தான் தருகிறதே தவிர, கொஞ்சம் கூட சோகத்தை இல்லை. ஏன் சிரிப்பு கூட வருகிறது. அதுதான் வெங்கட் பிரபு. பொதுவாக எல்லா இயக்குனர்களும், அஜித்திற்கு பில்டப் கொடுத்து, ரொம்ப தள்ளி வைத்துவிடுவார்கள். இதில் இயக்குனர் அஜித்தை நெருங்க வைத்திருக்கிறார்.
![](https://blogger.googleusercontent.com/img/b/R29vZ2xl/AVvXsEg0Bqjm3WlGSeyfjIcpecHwHO9bzsNLnQWDk8u9fXWlU-zmXKQ2nskZryK8BtHUY-rTn51-4c_fx1xg4SG3FOEVKsHVkwZezXaMKjLdV7MUZdOmKVaQYO05GzlS32_H_bp98jPW66le/s400/SSPX0017000.jpg)
---
”வாடா... பின்லேடா...” பாடல் ஆரம்பத்தில் கேட்கும்போதே பிடித்திருந்தது. படமாக்கமும் நன்றாக இருக்கிறது. இந்த கான்செப்ட்டை ஏதோ விளம்பரத்தில் பார்த்த ஞாபகம்.
---
எவ்வளவு ப்ளாப் கொடுத்தாலும், அஜித் படத்திற்கு எப்படி இவ்வளவு ஓப்பனிங் கிடைக்கிறது? அதுவும் மன்றங்களை கலைத்து அறிவிப்பு கொடுத்தவருக்கு? அரசியல் ஆசை காட்டாதவருக்கு?
![](https://blogger.googleusercontent.com/img/b/R29vZ2xl/AVvXsEhbTL5xvZ7B_HT6Foym8TYVr-i3aeSxxVqcCp69B5M-6e7g1M7gXZyldKMz0CSi9u35EBqPmF2onxzvRv5gE0qIBKAgtaiFO_M_w2LQjOey0kmcxUb5GGpzUV_mkdbLHZGIARqTDsGX/s400/SSPX0012000.jpg)
தமிழக மக்களுக்கு ஒரு நடிகரை பிடிக்க வேண்டுமென்றால், சினிமாவில் நன்றாக நடிக்க வேண்டும் என்பது அவசியம் இல்லை. நிஜ வாழ்வில், ஒரு நல்லவராக மனதில் பதிய வேண்டும். திறமையை காட்டுபவரை விட, நல்லவராக காட்டுபவரையே, உயரத்தில் வைப்பார்கள். எந்த திட்டமிடலும் இல்லாமல், அஜித்திற்கு அது அதுவாகவே நடக்கிறது.
---
முன்பெல்லாம் நூறாவது படம் தான் பெரிய மைல்கல்லாக இருக்கும். இப்போது இருக்கும் நிலைமைக்கு, அது ஐம்பதாக குறைந்துவிட்டது. பொதுவாக மைல்கல் படங்கள், ஹிட்டாக அமைவதில்லை. (விஜயகாந்த் - விதிவிலக்கு). தவிர, அஜித்திற்கு ஹிட்டே அமைவதில்லை. ஆச்சரியம் என்னவென்றால், அஜித்திற்கு மைல்கல் படம் - ஹிட்டாகியிருக்கிறது. மைனஸ் இண்டு மைனஸ் ப்ளஸ்ஸாகிவிட்டது. :-)
.
2 comments:
மங்காத்தாபற்றி ரசிக்கும்படி எழுதியிருக்கீங்க சார்,
தலயின் முந்தைய படங்கள் மூலம் சோர்ந்திருந்த ரசிகர்களுக்கு நிச்சயம் மங்காத்தா ஒரு தீபாவளி சரவெடிதான் அதுமட்டுமல்லாமல் தலயும் கொஞ்சம் ரிஸ்க் எடுத்து கலக்கியிருக்காரு... :)
//அஜித்திற்கு மைல்கல் படம் - ஹிட்டாகியிருக்கிறது. மைனஸ் இண்டு மைனஸ் ப்ளஸ்ஸாகிவிட்டது. :-) //
:)
//பார்க்கும்படி இருந்தாலே ஹிட்டாகிவிடும். (அந்தளவுக்கு நம்மை தயார் செய்து வைத்திருக்கிறார்கள்!) //
ithu superb
Post a Comment