கற்றது தமிழால் நொந்த கருணாஸ்

சமீபத்தில் திரைக்கு வந்த "கற்றது தமிழ்" படத்தின் விநியோகஸ்த உரிமையை நகைச்சுவை நடிகர் கருணாஸ் பெற்றிருந்தார். ஜீவா நடித்து புதுமுக இயக்குனர் ராம் இயக்கிய இப்படத்தை கதையை நம்பியும் இயக்குனரை நம்பியும் வாங்கியதாக தெரிகிறது. இப்படம் விமர்சகர்களிடே பாராட்டையும், ஐடி மற்றும் பிபிஒ துறையினரிடம் சர்ச்சையை கிளப்பி இருந்தாலும் வணிக ரீதியாக வெற்றி பெறவில்லை.

இப்படத்தின் தாக்கம் அதிகம் உள்ள சென்னை, பெங்களூர் போன்ற ஊர்களிலும் இப்படம் அதிக நாள் ஓடவில்லை. இதனால் ரூபாய் 75 லட்சம் நஷடமடைந்ததாக கூறப்பட்டுள்ள நடிகர் கருணாஸ், இயக்குனருக்கு நெருக்கடி கொடுத்துள்ளார். தனக்கு பணத்தை திருப்பி தருமாறு கேட்டுள்ளதாகவும் அல்லது தன்னை கதாநாயகனாக கொண்டு ஒரு படத்தை இயக்குமாறு கேட்டுள்ளார். இதற்கு ராமின் பதில் என்னவென்று தெரியவில்லை.