ஓசுர்ல ஒரு நண்பரை பார்த்துவிட்டு இந்த படத்திற்கு சென்றேன்.
ஜீவா சிரிப்பது, நிறுத்துவது, சிரிப்பது, நிறுத்துவது என்று கலக்கியிருக்கிறார். சந்தானம் தான் இப்போதைய கவுண்டமணி. எல்லோருமே நன்றாக நடித்திருக்கிறார்கள். நாயகி டிவியில் பேசியதை பார்த்து விட்டு படத்தில் பார்த்தால், இயக்குனரின் உழைப்பு தெரிகிறது.
நான் பார்த்த தியேட்டரில் படம் ஆரம்பித்ததே, ஜீவா டிரேயினில் ஏறுவதிலிருந்துதான். நான் கூட வித்தியாச இருக்குதேன்னு நினைச்சேன். நிறைய விமர்சனங்களில் விகடன் லோகோ பற்றி புகழ்ந்து சொல்லிருந்தார்கள். அதை ஆர்வமாக பார்க்கலாம் என்றிருந்தால் கடைசி வரை காணவில்லை. அப்புறம் தான் புரிந்தது, தியேட்டர்காரன் தான் படத்தின் டைட்டிலை கட் செய்து விட்டான் என்று. விகடா, இதை கொஞ்சம் கவனி.
கடைசி காட்சிகள் ஜவ்வாக இருந்தாலும், அதுவும் வித்தியாசமான கிளைமாக்ஸ் தான்.
படத்தின் மார்க்கெட்டிங் நன்றாக உள்ளது. மார்க் போட சொல்லி கார்டு கொடுக்கிறார்கள். படத்தின் பாடல்களை கொஞ்சம் நன்றாக மார்க்கெட்டிங் செய்திருக்கலாம்.
படம் நல்லா ஜாலியா போகுது. எங்கேயும் கேப் விடாம காமெடி வச்சிருக்காங்க. செம லோக்கலா இருக்கு. சின்ன சின்ன விஷயங்களிலும் ஆச்சரியப்படுத்துகிறார் அறிமுக இயக்குனர் ராஜேஷ்.
இவரின் அடுத்த படத்திற்காக காத்திருக்கிறேன்.
No comments:
Post a Comment