Wednesday, September 9, 2009

'தில்லாலங்கடி' சோ

சோ பத்திரிக்கை தொடங்குவதற்கு முன், சினிமாவில் நடிப்பதற்கு முன், நாடகம் நடத்துவதற்கு முன், வக்கீலாக இருந்தார். டி.டி.கே. நிறுவனத்திற்கு அவர் தான் சட்ட ஆலோசகர்.



ஒருமுறை அந்த நிறுவனத்தில் வேலை பார்த்துவந்த ஒரு மேனேஜரின் செயல்பாடு சரியில்லாததால், அவரை நீக்கி விடலாமா என்று நிர்வாகம் யோசித்து, சோவிடம் ஆலோசனை கேட்டது. அவரும் மேனேஜர் வேலைக்கான சட்டத்திட்டப்படி, ஒரு மாத நோட்டீஸ் அல்லது சம்பளத்துடன் வேலையை விட்டு தூக்கி விடலாம் என்று ஐடியா கொடுத்தார். நிர்வாகமும் அவரை பணி நீக்கம் செய்தது.

பணி நீக்கம் செய்யப்பட்டவர், இதை சும்மா விடவில்லை. கோர்ட்டுக்கு சென்றார். தான் மேனேஜராக வேலை பார்க்கவில்லை என்றும், குமாஸ்தாவாக வேலை செய்த தன்னை இப்படி விசாரணையில்லாமல் வேலையை விட்டு நீக்கியது சட்டப்படி செல்லாது என்று வழக்கு தொடர்ந்தார். பணி நீக்கம் செய்தவர்கள் சோவிடம், “ஏன்ப்பா, நீ அப்படி சொன்னியே? இவரு இப்படி சொல்றாரே?” என்று கேட்டார்கள்.

சோவும் அவர் மேனேஜர்தான் என்று காட்டுவதற்கு, ஆதாரங்களை அலுவலகத்தில் தேடினார். அவருடைய நேரத்திற்கு, அவர் மேலாளர் என்று குறிப்பிட்டு எந்த காகிதமும் சிக்கவில்லை. இதையெல்லாம் கவனிக்காமலே, நீக்கலாம் என்று சொல்லியாச்சே? இப்ப, ஆதாரமில்லாமல் எப்படி நிருபிப்பது?

பத்திரிக்கையில் ஒரு விளம்பரம் கொடுத்தார். எந்த பத்திரிக்கையாக இருக்கும்? ஹிந்துவாகத்தான் இருக்கும். இப்படி, இந்திந்ந மாதிரி தகுதிகளோடு, எங்களுடைய டேக்ரான் மேக்ரான் கம்பெனிக்கு ஆள் தேவை என்று வந்தது விளம்பரம். குறிப்பிட்டு இருந்தது எல்லாம், அந்த வழக்கு தொடர்ந்தவர் கொண்டிருந்த தகுதிகள். முக்கியமாக, ’மேனேஜர்’.

நம்மாளும், நமக்கே தைச்ச சட்டை மாதிரி ஒரு வேலை வந்திருக்கே என்று நினைத்துக்கொண்டு, அதில் சொல்லியிருந்த தபால் பெட்டி எண்ணிற்கு அவருடைய ’கரிக்குலம் விட்டே’யே தட்டி விட்டார். அதில், தான் டிடிகே கம்பெனியில் மேனேஜராக சிறப்பாக செயல்பட்டு வந்ததாக குறிப்பிட்டு விண்ணப்பித்திருந்தார். அது அவருடைய விண்ணப்பம் அல்ல. Own ஆப்பம்.

விசாரணை நாளன்று, கோர்ட்டில் சோ அந்த நபரை குறுக்கு விசாரணை செய்யும்போது என்ன கேட்டும் அவர் ஒத்துக்கொள்ளவில்லை. சரி என்று முடிவில் அவருடைய விண்ணப்பத்தை காட்டினார். கூண்டில் நின்றவரால், வேறு என்ன செய்ய முடியும்? அது தான் கைப்பட வாக்குமூலமே எழுதியாச்சே!

’அதிர்ஷ்டம் தந்த அனுபவங்கள்’ புத்தகத்திலிருந்து

---

இது, இந்த பதிவின் ரெபரென்ஸ்க்காக

.

7 comments:

நிகழ்காலத்தில்... said...

சோவின் வக்கீல் மூளை, வக்கீல் மூளைதான் :)))

ஆயில்யன் said...

//நம்மாளும், நமக்கே தைச்ச சட்டை மாதிரி ஒரு வேலை வந்திருக்கே என்று நினைத்துக்கொண்டு, அதில் சொல்லியிருந்த தபால் பெட்டி எண்ணிற்கு அவருடைய ’கரிக்குலம் விட்டே’யே தட்டி விட்டார். அதில், தான் டிடிகே கம்பெனியில் மேனேஜராக சிறப்பாக செயல்பட்டு வந்ததாக குறிப்பிட்டு விண்ணப்பித்திருந்தார். அது அவருடைய விண்ணப்பம் அல்ல. Own ஆப்பம்.//


:))))

இப்பவும் கூட இதுபோன்ற பல சம்பவங்கள் நடந்துக்கிட்டிருக்கு! ஃபுல் அட்ரஸ் இல்லாம வெறும் மெயில் ஐடி அல்லது போஸ்ட் பாக்ஸ் கொடுத்து இண்டர்வீயூ கால் பண்றதுன்னு பட் நம்ம மக்கள்ஸும் வெவரமா நான் ஒரு பெரிய கம்பெனியில வேலை பாக்குறேன்னு அட்ரஸ் பிளாங்காத்தான் அனுப்பி வைக்கிறாங்க :)

ஜெட்லி said...

சோ ஸ்வீட்.....

உலவு.காம் (ulavu.com) said...

புத்தம் புதிய தமிழ் திரட்டி உலவு.காம்
http://www.ulavu.com
(ஓட்டுபட்டை வசதிஉடன் )
உங்கள் வலைப்பூவை இணைத்து உங்கள் ஆதரவைதருமாறு வேண்டுகிறோம் ….

இவண்
உலவு.காம்

சரவணகுமரன் said...

வருகைக்கு நன்றி நிகழ்காலத்தில், ஆயில்யன், ஜெட்லி.

கிரி said...

ஹா ஹா சூப்பரு

சரவணகுமரன் said...

வாங்க கிரி